Qu’an arretrobat lo SRAS perdut per l’Institut Pasteur

28 mai 2014  Sciéncia, Societat

Institut Pasteur

La polícia qu’a arretrobat ger los 2349 tubes de SRAS perduts en abriu per l’Institut Pasteur. Qu’èran esconuts dens la cava d’un bearnista integrista.

Qu’ei lo solaç a l’Institut Pasteur. Los tubes qui contienen lo virus deu SRAS, e qui avèvan perduts en abriu, que son enfin tornats tà casa. Après mes d’enquèsta, que son estats arretrobats en çò d’un estatjant de Siròs.

L’òme, suspectat despuish annadas de har partida d’un hialat de terroristas bearnistas, qu’èra regularament perquisicionat. Qu’ei a l’escadença d’ua d’aqueras perquisicions de rotina que la polícia descobrí los tubes.

Lo vilatge de Siròs qu’estò evacuat de tira, e los tubes qu’estòn tornats en camion refrigerat a l’Institut Pasteur a París. Qu’estón recepcionats e remetuts en plaça, au grand solaç deus cercaires. Adara, que’us demòra sonque a arretrobar los 3487 tubes de pèsta qui an desaparegut deu bastiment la setmana passada.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *