« Demolir », lo navèth partit anti-occitanista

23 mars 2014  Politica

Demolir

Un gropament politic que vòu presentar candidats a las municipaus de 2020 tà assegurar l’abséncia de l’occitan dins la vita publica.

« Demolir » qu’ei lo nom d’aqueth gropament politic qui s’amassa autorn d’un manifèste anti-occitanista. Lo son prètzhèit qu’ei d’assegurar l’abséncia de l’occitan dens l’ensenhament, los medias e la vita publica. La soa mira : las eleccions municipaus de 2020.

« Que volem panèus d’entrada d’aglomeracion e placas de carrèra monolingües », expliquè lo pòrta-paraula de Demolir a Manaset. « La preséncia d’aquera lenga sus la senhaletica qu’ei un afront hèit aus ciutadans laïcs. E lo son ensenhament dens las escòlas que risca de har viéner los mainats occitanistas quan seràn adultes. Qu’ei ua truca qui ne podem pas préner ».

Demolir que demanda tanben ua interdiccion de cantar « Aqueras montanhas » o « Bèth cèu de Pau » en public, l’acompanhament de tots los calandrons a la termièra de la Vath d’Aran e lo remplaçament de la crotz occitana suu logo de la Region Mieidia-Pirenèas per ua letra « M » estilizada.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *