La plega 2014 de l’IDECO es a sortir

3 juin 2014  Cultura

Plega de l'IEO

Lo responsable literatura de la redaccion de Manaset s’es procurat en abans-primièra la plega 2014 de l’IDECO.

Come de costuma, quatre libres d’autors reconeguts trachan de lors subjèctes favorits. Ne vaquí un resumit exclusiu per nòstres legeires.

n° 196 M’an perdut (Alem Surre Garcia)
Un occitanista persista a cercar Occitania en Orient. De fait, se trapa completament a l’oèst e es internat en ospital psiquiatric. Finirà prof de geografia al collègi Calandreta.
108 paginas (prètz public 13 Euros) 

n° 197 Esquissas per un combat de negres dins un tunèl (Magalí Bizot-Dargent)
Una plasticiana ensaja de faire un tablèu particular. Capita pas de lo metre en colors. Farà a Rodés la descobèrta d’un musèu novèl que li balharà lo solucion.
200 paginas (prètz public 15 euros) 

n° 198 Enculeta a Belamosca (Romieg Jumèu)
Una mosca a bicicleta fa lo torn d’un caulet. Tabuca a una mongeta e se pren un brave pet. Una cigala ajudada per cinc cents elefants mena l’enquista per trapar lo violaire.
200 paginas (prètz public 15 euros)

n° 199 Fotuda padena ! (Sèrgi Viaule)
Un recuèlh de receptas de cosina collectadas per Sèrgi Viaule dins lo mond entièr. I traparetz de recèptas originalas : los Cagaròls en Moniflada, lo Caval Melba, lo Cassolet Vegetarian, la Padenada de Cogofièras a la mòde del quenque Marius.
240 paginas (prètz public 15 euros)

Se pòt soscriure a la plega 2014 sul site de l’IDECO 45 euros franco de pòrt.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *