Capestanh : un òme bandat braca lo buralista amb una arma de punh

31 mai 2014  Societat

Bracatge

Lo burèu de tabac de Capestanh es estat la cibla d’un raubaire un pauc particular. Es estat mes en fugida pel buraliste coratjós.

Dijòus aprèp dinnar, del temps que trabalhava, lo buraliste de Capestanh vegèt dintrar dins sa botiga un òme visiblament embriagat. Aqueste lo menacèt amb un pistoilet en cridant : « Impôt révolutionnaire, aboule la caisse! Visca lo crit de las cigalas e la fèsta de la musica prematurada ! »

Se descoflant pas, lo buraliste balhèt un emplastre al bracaire, que se trapèt amb lo nas en sang. Daissèt tombar son arma e fugiguèt a cambas ajudatz-me. La polícia recèrca activament l’individú qu’a desaparegut.

Manaset a volgut interrogar lo president de l’associacion « Pataflau » qu’organiza fòrça eveniments sus Puegserguièr, mas èra injonhable. Beneficiava de uèit jorns d’ITT per una casuda dins los escalièrs.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *