Lo Congrès de l’AIEO que participarà a autonomizar Catalonha

9 juin 2014  Monde, Sciéncia

Universitat de Lhèida

L’Universitat de Barcelona qu’a trobat ua idea tà ahortir l’autonomia energetica de Catalonha respècte a Espanha mercés au Congrès de l’AIEO.

Lo XIau Congrès de l’AIEO, Associacion Internacionau d’Estudis Occitans, que’s debanarà deu 16 au 21 de junh. Augan que’s harà en Catalonha, a Lhèida. L’Universitat Autonòma de Barcelona qu’a decidit de profieitar de l’escadença tà ahortir la soa autonomia energetica, dens l’idea d’estar tostemps mensh dependenta de l’Estat Espanhòu.

« Que son mei de 150 saberuts qui s’amassaràn dens lo noste territòri », çò digó Pèire Llopez, cercaire a l’UAB. « Pendent sheis dias, que van soscar, debàter, calcular… Tot aquò que desgatjarà hòrt d’energia. Que’ns haré dòu de la deishar pèrder ». L’UAB que hicarà doncas en plaça de recuperators d’energia qui, suu modèle de las VMC, embeveràn l’electricitat produsida per tots aqueths cervèths en activitat.

A l’òra de las energias pròpias, aquera iniciativa qu’ei a saludar. En mei, que permeterà a Catalonha d’estar enqüera mei independenta d’Espanha en produsir la soa energia era medisha.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *