Descopatge de las Regions : Los sèt solelhs o la crotz occitana ?

4 juin 2014  Politica

Région Midi-Pyrénées-Languedoc-Roussillon

Amb la novèla mapa de las Regions francesas, presentada per l’Elysée lo diluns 2 de mai, se pausa la question dels lògos de las novèlas collectivitats.

Es la granda question en Lengadòc-Rosselhon (LR) e en Miègjorn-Pirenèus (MP) : après la fusion de las doas regions, qual serà lo lògo que serà gardat ? Lo dels sèt solelhs, adoptat pel LR en 2004, o la crotz occitana del MP ? Manaset a rencontrat d’estatjants de las doas regions per reculhir lor vejaire.

Rotland Vaquiès, 54 ans, Tolosa : Cal gardar la crotz. Representa tota l’istòria de nòstre país. Sèm en tèrra occitana, e nòstre lògo o mostra plan. Los sèt solelhs del lògo lengadocian representan la Septimania, que correspondrà pas pus, après la fusion, a la realitat regionala.

Mirelha Grantet, 41 ans, Carcassona : Ieu aimi melhor lo lògo de MP. Compreni pas tròp çò que representa lo nòstre, amb aquelas eolianas. Solide qu’aquí i a de vent, mas n’i a mens en MP e compreni que los estatjants vòlen gardar la crotz dels templièrs, es ligat a l’istòria de Tolosa.

Sòfia Jalbaud, 23 ans, Rodés : Ieu me’n bati. De tot biais, los dos lògos m’agradan pas. N’ai pro de veire totjorn de roge e de jaune. Avèm de drapèls de’n pertot al mes de julh aquí, n’i a sus totas las veituras… Cal pas doblidar las autras colors… Tè, perqué pas un lògo negre e negre, d’estile Soulagian, per cambiar un pauc ?

Armand Claquot, 60 ans, Montpelhièr : Cal gardar los sèt solelhs. Nòstre regretat Georges Frêche s’es batut fins a la mòrt per aquel lògo fòrça simbolic, que representa nòstra istòria e la beutat de nòstre país. Aviá ja degut abandonar sa cara Septimania, li podèm pas uèi escafar son lògo !

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *