L’apellacion « Tomate » reservada a Monsanto

9 juillet 2014  Societat

Tomatas

D’ora enlà, digús poirà pas utilizar l’apellacion « tomate» per designar una frucha que serà pas estada obtenguda a partir de grana Monsanto.

Lo grop american Monsanto ven de depausar lo nom « tomate® » davant lo tribunal de comèrci internacional (Court of International Trade) e sa demanda es estada acceptada. D’ora enlà, l’apellacion « tomate® » es reservada a la frucha provenent de plants obtenguts per de grana de la varietat « Tomato® », exclusivitat del grop e aquò per totas las varietats del catalòg.

Lo nom es estat depausat per totas las lengas, e, per un còp, l’occitan es pas doblidat, qu’es precizat explicitament a l’alineà 6 del paragraf 12 del jujament : « tomata en occitan lenga d’òc dins totas sas varietats dialectalas, gascon, provençal, lemosin, auvernhat, lengadocian, e toumato en jos-dialecte patoès limoxin (sic) ».

Los ortalhièrs se demandan ara se lor cal càmbiar lor biais d’apelar la tomata, o s’una excepcion culturala francesa poiriá èsser acceptada, coma demandat per lo ministre francés de l’agricultura Esteve lo Fòl. D’unes dins la granda distribucion an ja començat de tornar far lor etiquetatge : « Pommes d’or » en cò de Leclerc et « Pommes d’Amour provençales » en cò de Carrefour. Los autres declaran contunhar de vendre de Tomate® transgenic coma aperabans.

Un ortalhièr pichon, Max Laborde, interrogat sul mercat d’Espalion, nos ditz aver sonat las fruchas « Dakos », aital digús lo farà pas susar, çò ditz.

De veire …

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *