Emil Collard condemnat per usatge artistic del canabís

27 juin 2014  Societat

Canabís

Emil Collard chuba de canabís per poder escriure e compausar sas cançons reggae. Es estat condemnat dimars passat per usatge d’estupefiants.

Aquel autor-compositor-interprèta es president de l’associacion « Chubar per crear », que milita per la legalizacion del canabís a usatge artistic. « Los poètas, los musicians, los pintres an totjorn agut besonh de chubar, beure o cimsar per trobar l’inspiracion. La consomacion d’estupefiants dins aquel encastre a pas res a veire amb los jovents que se drògan sens pas cap de rason », çò explica.

Malurosament, Emil Collard es estat arrestat dimars passat e plaçat en garda a vista. Malgrat una peticion difusada sus la tela pels militants de son associacion, la justícia l’a declarat copable de possession d’estupefiants e es estat condemnat a una emenda pesuga. L’avocat de la defensa aviá pr’aquò demandat una liberacion al nom de « l’estat de necessitat ». « Sens lo canabís, mon client pòt pas faire son trabalh coma cal, e doncas ganhar sa vida », çò expliquèt a nòstre correspondent present a l’audiéncia.

An decidit de faire apèl de la decision, e espèran atal faire jurisprudéncia. « Volèm obtenir una decision de principi que diriá que quand sèm un artista, podèm consomar de canabís », çò concluguèt.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *