Aniversari de las inondacions de Lorda. DIU: « Perdon, qu’èi merdat. »

25 juin 2014  Societat

Inondacions a Lorda

Un an a arron las inondacions en Sud-Gasconha, lo creator deu monde qu’ei tornat sus l’ahar de l’inondacion deu clòt de Lorda en 2013. Un mea culpa inedit.

Manaset : Quin explicatz los incidents de l’an passat dens aqueth siti hautament espirituau ?
Diu : Sabetz, ne podem pas estar a la produccion e au servici après-venta a l’encòp. Jo qu’èi creat totas aqueras bestias qui etz. Mes ne’v poish pas susvelhar tostemps. Qu’ei com un tipe qui espia ua partida de fotbòl a la TV e qui s’escapa 30s entà anar cercar ua bièra.

Manaset : e que hasevatz pendent aqueste temps ?
Diu : Qu’èri au salon internacionau de l’aeronotica e de l’espaci de Paris-Le Bourget. Que’m tieni assabentat de totas las nautats aeronoticas quitament quan son francesas. En efèit ne sabem pas jamei tot çò que poscan inventar aqueths fotuts umans entà s’enter-tuar.

Manaset : Que regretatz aquera abséncia ?
Diu : Solide ! Que me’n desencusi. Qu’èi hèit ua error mes que sèi que los mens fidels ne me’n volhan pas. Entà’m justificar que poish sonque declarar que i a tròp d’umans suu planèt entà assegurar la securitat de tots. Qu’èi donc hicat los mens melhors especialistas sus un projècte de solucion finau entà redusir au maximum lo lor nombre.

Manaset : ha ?… e qui son ?
Diu : Lo Hitler e lo Einstein que son en tandem de cercaires despuish abriu passat. Se s’i escaden de s’enténer, ua navèra arma destructrica que poderé vàder.

Enric Pistolet

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *