Una cançon de Tisnèr interdita per la Fèsta d’Òc de Besièrs

28 juin 2014  Cultura, Politica

Joan-Francés Tisnèr

La Comuna de Besièrs a censurat una de las cançons que l’artista bearnés aviá prevista de cantar lo 12 de julhet.

Es amb suspresa que Joan-Francés Tisnèr recebèt aquela letra de la Comuna de Besièrs la setmana passada. Lo cantaire Bearnés, al qual Fèsta d’Òc aviá balhat carta blanca per organizar la serada del dissabte 12 de julhet, aviá clavat son programa dempuèi un brave moment. Mas a la darrièra minuta, li calguèt faire de cambiaments.

La causa ? La cançon « Nau qu’èm lavant la bugada » que pausava problèma a la novèla municipalitat. Dins son corrièr, la Comuna explica que « la bugada e l’espandiment de la farda es un subjècte sensibla, d’aquesta passa, dins nòstra vila ». Demanda doncas a Joan-Francés Tisnèr de tirar aquela cançon de sa lista.

« Qu’estói hèra emmaliciat », çò fisèt l’artista a Manaset. « Qu’ei la mia libertat d’expression qui ei atacada ». Joan-Francés Tisnèr a pas encara decidit se mantendriá aquela cançon o se la remplaçariá per « L’Estrangèr ».

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *