Avion de l’UDB desaparegut : la polícia occitana al secors dels bretons

23 mars 2014  Monde

Avion

Un avion de la companhiá aeriana UDB es portat desaparegut al dessus de Nòstra Dòna de las Lanas. Òm es totjorn sens novèlas de l’aparelh. Totes los mejans disponibles son desplegats per lo retrobar.

A 6 h 47 GMT, lo traspondeire de l’Airbus A 350 apartenent a la companhiá bretona UDB, qu’assegura la ligason Nantas – Montaigut, a quitat d’emetre. Cap de signal novèl es pas estat captat pel moment.

Una revendicacion es arribada a la redaccion de Manaset signada per un grop misteriós, « brezhoneg dre-holl », que pretend l’aver desvirat sul territòri de Camelot ont cap de traça es pas estada reperada fins ara. Las autoritats an despachada sus plaça la Polícia Occitana de Proximitat  per ajudar los enquistaires bretons.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *