Plagiat : Budget Prod ataca en justicia la cadena de television Bretzhoweb

4 juillet 2014  Cultura, Monde

R16

La cadena de television web en lenga bretona auriá copiat « La Seria » per una futura seria en breton titolada « Stirad ». Budget Prod pòrta lo planh.

Yannick Mandel e l’equipa tota de Budget Prod foguèron enrabiats quand aprenguèron que Bretzhoweb metiá en rota lo rodatge d’una seria novèla en breton. Lo scenari n’es simple : son dos joves bretons amb una Renault 16 que van cèrcar d’argent per virar una seria tele que parla de dos joves que vòlon virar una seria tele sus dos joves que cèrcan d’argent per virar une seria tele que parla de la dificultat per dos joves de trapar d’argent per virar una seria tele. Lo nom breton de la seria significa « Sant Miquèl dels Monts ».

Yannick Mandel es encolerat : « Se vei sul pic que l’istòria nos es estada panada, quitament s’an ensajat de complicar un pauc lo raconte original e de càmbiar de detalhs (la marca de la veitura per exemple, o lo nom dels personatges). Aviam l’esper, un còp lo trabalh acabat, de vendre aquela seria als Bretons, als Basques, als Còrses e als Catalans. Sèm macats de veire qu’en plaça de collaborar, nòstres ex-amics bretons a preferit l’espionatge e lo plagiat. S’es atal, nautres tanben anam pilhar las idèas mesas en plaça per Bretzhoweb, serà mai simple que de trapar de scenaris originals e susceptibles de convéncer los finançaires, que podètz pas saber las dificultats que pòdon aver dos joves realizators per trapar d’argent per virar una seria tele ».

L’afar es entre las mans de la justícia.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *