14 de julhet: un adolescent que pana la bomba atomica

15 juillet 2014  Societat

Bomba atomica

Gran paur au cap de l’Estat e mei particularament dens l’armada de l’aire au Mont (Lanas) arron la desaparicion de la bomba atomica.

Maishanta limonada au Passacarrèra deu 14 de julhet. Profieitant de la sortida de l’armada de l’aire deu Mont entà anà’s passejar, un joen de 16 ans que s’ei engulhat dens lo siti d’estocatge nuclear de l’armada francesa a 11h.

« Que cercavi la resèrva de pastis quan soi cadut sus ua gran citèrna negra. »

De hèit aquèra citèrna qu’èra ua vertadèra bomba A. Lo joen qu’a desplaçat l’arma dens un gran cariot sus 4 km de pinèda dinc a la palomèra deu son pair.

A 12h30, un sordat – qui cercava tanben la reserva de pastis – que descobreish que la bomba aja desapareishuda. L’alèrta qu’ei balhada e totas las pistas que son envisajadas: Al-Qaïda, ETA o enqüèra Libertat que son viste sospieitats.

Urosament a 5h deu vrèspe, un cercaire de camparòus qui avè entenut la navèra a la ràdio que passè au ras de la palomèra e qu’alertè las autoritats.

Tot que s’acaba plan mes lo panairòt que risca totun la preson.

Enric Pistolet

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *