Enquista sus la òbras presentadas al musèu Soulages de Rodés

13 septembre 2014  Cultura, Societat

Musèu Soulages

Lo musèu Soulages de Rodés es al centre d’una enquista policièra per abús de poder.

Lo musèu Soulages, en mai dels amators de pintura, interèssa la polícia. D’efièit, d’escotas telefonicas mòstran que los artistas deguèron donar un percentatge per poder èsser expausats en bona plaça dins las salas del musèu.

Segon nòstres confraires del Midi Libre, cada artista foguèt pregat de balhar un quicomet al conse de Rodés per poder figurar en bona plaça dins las expausicions permanentas del musèu novèl. Dins una d’aquestas escotas que nos sèm poguda procurar, Crestian Teyssèdre declara a un de sos amics :

« Me soi fait engarçar. Aquel putanièr de pintre me balhèt una tela tota negra qu’aviá pas encara pintrada. Ieu que cresiái d’aver un tablèu polit per decorar ma sala de manjar ! »

Consolacion pel conse, la construccion del musèu foguèt l’ocasion de faire una esplanada flama nòva, Ailàs, aquesta servirà pas a grand causa que de sorgas pròchas del conse nos an fisat que serà lèu interdita a la circulacion pedonièra. Aquò per evitar las traças de sòlas e los mastegons vièlhs.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *