Los elegits « occitans mas pas tròp » s’acamparàn a Rodés

16 juillet 2014  Lenga, Politica

Sala d'acamp

Un acamp de l’associacion d’elegits que se ditz « occitans mas pas tròp » se tendrà a Rodés pendent l’Estivada dins un luòc pas encara conegut.

L’objectiu serà de metre en relacion los elegits que dins lor comuna se passan d’eveniments occitans importants mas qu’i tenon pas. Examinaràn totes los mejans d’embestiar los organizators, los arrestats que pòdon èsser preses per entrepachar la bona marcha de las causas. Aprendràn tanben a téner un discors pro-occitan al moment d’una eleccion per ramassar de voses tot en ne pensant pas un mot.

Un spin doctor vengut especialament dels Estats Units tendrà una conferéncia sus la lenga de fusta, e un talhièr « contornar la democracia » promet una frequentacion nombrosa. Los elegits participants esperon partir de l’acamp plan armats per semblar defendre l’occitan tot en lo passent a la trapa. Podèm pas dire pel moment quines son los elegits membres de l’associacion que la tièra n’es pas coneguda.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *