Micheu Chapduèlh dedicaçarà son libre novèl a l’Estivada de Rodés

21 juillet 2014  Cultura, Politica

Estivada

L’escrivan sarladés plan conegut presentarà son libre novèl divendres 25 a 11 oras a l’Estivada. Es un libre escrit a la seguida de collectatges efectuats en Aquitània, Peitau-Charentas e Lemosin.

Lo darrièr libre de Micheu Chapduèlh se deviá sonar a l’origina « Mites e Legendas peiregordins ». Mas, amb la reforma novèla de las regions, e per poder contunhar de tocar d’ajudas del conselh regional, li an demandat d’alargar sas recèrcas a la region novèla tota.

A doncas collectat en Aquitània, Lemosin e Peitau-Charentas. Podèm trobar dins aquel libre una legenda sus l’origina de las Charentaises, la naissença de la primièra Blonda d’Aquitània e l’origina mitica del burre Charentes-Poitoux.

Lo libre « Mites e legendas de Baiona a Lodun » serà presentat dins l’estand de la region Aquitaine-Poitoux-Charentes-Limousin en preséncia de David Grosclaude. Aqueste es encargat de la lenga occitana al conselh regional, e ven d’inaugurar los burèus novèls de la delegacion regionala a las lengas minorizadas situits a Peitieus. Farà especialament lo desplaçament a Rodés per l’ocasion.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *