« Viàgra e amnesia », l’album novèl dels Motlagas

23 mars 2014  Cultura

Motlagas - Viàgra e amnesia

Lo grop besierenc de musica engatjada prepara un disque a destinacion d’un public novèl : lo tresen atge.

Lo procediment es original e ambiciós : un album a destinacion d’un public « tròp sovent doblidat », lo dels ancians. Vòl abordar las questions que pertòcan aquela populacion per ne far mai préner consciéncia al monde. Avèm rencontrat Bob, lo cantaire dels Motlagas :

Manaset : Perqué avètz volgut far un album pels ancians ?
Bob : Los grops engatjats parlan tot lo temps dels problèmas dels jovents, dins una societat de jovents. Nosautres, avèm volgut tornar metre en abans aquela populacion que rencontra ela tanben sas dificultats, la màger part del temps dins lo silenci e l’ignorància.

Manaset : E quales problèmas abordatz ?
Bob : Totes los que pòdon rencontrar los vièlhs : los reumatismes, l’artròsi, l’andropausa, Alzheimer, las retiradas que baissan… Sèm un grop militant e fasèm aqueste album per dire que tot aquò a pro durat.

Manaset : I aurà una virada amb aqueste disque ?
Bob : Solide ! Avèm ja un quinzenat de datas dins d’ostals de retirada ont farem tot petar. Sèm tanben programats a la fèsta de la musica pòstmadurada, lo grand festenal del tresen atge de Puègserguièr.

Trobaretz lo 78 torns « Viàgra e amnesia » tre lo 15 d’abrial dins totas las farmacias.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *