Lo conse de Montpelhièr enebís tota manifestacion dins la vila

1 août 2014  Politica, Sciéncia

Manifestacion a Montpelhièr

Après l’exemple de l’interdiccion de las manifestacions pro-palestinianas a París, lo conse de Montpelhièr a decidit d’interdire tota manifestacion dins sa vila, per la securitat dels manifestants.

« Sabèm qu’a Montpelhièr, mai qu’endacòm mai, i a de riscas a manifestar. Amb la polícia que carga a cada còp, es tròp dangeirós pels manifestants de s’exprimir dins la carrièra. Per lor securitat, avèm doncas decidit d’enebir tota manifestacion », çò explica lo conse.

Cal saber, d’efièit, que la comuna a un contingent de fòrças de l’òrdre particularament violent. Que siá la BAC que carga las personas annadissas de Médecins sans Frontières, la polícia municipala que jòga al caça-perdigal amb los carnavalièrs o los gendarmas que getan los Indignats del naut dels arbres, totes que fan dangeirosa tota confontacion pels manifestants.

Dins aquel contèxte, interdire las manifestacions èra la solucion mai segura pels protestaires montpelhierencs.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *