Netanyahu: la nosta accion a Gazà qu’ei umanitaria

10 août 2014  Monde

Binyamín Netanyahu

Lo purmèr ministre de l’estat teocratic d’Israël que revela dens ua entervista lagremassèra la vertadèra rason de ofensiva a Gazà.

A l’atge de 64 ans l’òmi politic a maugrat de la soa experiéncia ne s’i escad pas de contiéner los sos plors. Qu’anonciè ger a 10h dabant los rescapats de la premsa internacionau a Tel-Aviv las vertadèras rasons de l’ataca de la banda de Gazà.

Manaset : “Quin qualificatz la vòsta accion a Gazà?
Binyamín Netanyahu : Ne compreni tostemps pas perqué lo planet sancèr sia contra nosautes… Tot çò qu’avem hèit en Gazà n’èra pas que tà protegir los palestinians d’ua miaça grana.

Manaset : Quau ei aquesta miaça?
Binyamín Netanyahu : La miaça qu’ei de tipe sanitària. Que sabem despuish mei d’un mes que lo virus Ebola aja quitat l’Africa e que comence de ns’invadir… e aquò purmèr dens la banda de Gazà. Ne podem pas perméter de deishar lo virus s’espandir en Israël e puish en Euròpa.
Qu’ei donc dab lo trister mes dab lo sens de las prioritats tanben qu’ajam decidit de bombardar los larèrs de desvolopament deu virus: espitaus, escòlas,…

Manaset : … e pensatz aver neutralizat lo virus?
Binyamín Netanyahu : Malurosament non, e qu’avem devut tirar los nostes sordats de la banda de Gazà pr’amor qu’èra tròp perilhós tad eths. Que vam contunhar dab bombardaments aerians. Que i a vertaderament chic de risques de maishants tirs tà la populacion sana. Que contunheram dinc a la disparicion totau d’aquera racalha virau e…(plors)”.

Lo purmer ministre qu’estó obligat de quitar la conferéncia mei lèu que previst en pr’amor d’ua emocion de las bèras e d’ua maishanta e violenta hrèbe.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *