Le calme et la tempête

21 mars 2015  Criticas de cantaires

Olivia R.

Olivia R. de Marselheta (Aude), nos a mandat una cançon « Le calme et la tempête ».

Cara Olivia, as enveja de jogar de musica rock sus de tèxtes tieus, de parlar de la vida, de l’amor e de tas originas. Ma cara Olivia, la scèna rock francesa a l’ora actuala patís d’una situacion pletorica. Totes se vòlon produsir mas las plaças son caras. Demai, aquesta musica es una musica d’òmes e las femnas an encara mai de dificultats per se faire conéisser. Siás del país Corbièra Menerbés. Dins aquel canton, lo mond son en cèrca de grops tradicionals per animar de balètis occitans. Fariás plan de te metre a un instrument aisit d’aprene, coma l’acordeon per exemple, e de te trapar un companh que jogariá de viela de ròda, que n’i a fòrça que cèrcan a trabalhar. Aital trapariás aisidament de contractes lo dissabte de ser, e fariás la jòia dels dançaires del canton. T’asseguram qu’aital, una mai polida carrièra se dobrís a tu que non pas se persistas dins aquela via de la varietat rock francesa qu ‘a cap d’avenidor.

Fòto : Rama

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *