Mantun milierat de parents que desbromban de miar lo lor mainat a l’escòla

4 septembre 2014  Ensenhament

Escòla

Lo 3 de seteme, qu’èra dens mantun establiment lo purmèr dimèrcs d’escòla despuish la refòrma deus ritmes escolars. Uns parents non semblan pas està’s adaptats.

Que serén 4 521 mainats a aver mancat l’escòla aqueste dimèrcs 3 de seteme, en per’mor de desbrombs deus lors pairs. En efèit, ne’s serén pas adaptats aus navèths ritmes escolars e qu’averén contunhat, com l’an passat, a demorar a casa.

« Qu’avèvi l’alarma deu telefonet reglada tà tindar sonque quate dias dens la setmana », çò explica ua mair a Manaset. « Qu’èi desbrombat de cambiar aquò e, quan e’m soi desvelhada, qu’èra tròp tard ». « Ne tribalhi pas lo dimèrcs, qu’avèvi decidit aquò tà’m poder aucupar deus mainats », çò conta un pair. « E com ne soi pas anat au burèu, qu’èi desbrombat de pausar los enfants a l’escòla en passant ».

Tau moment, aqueths desbrombs que son sonque petits dramas shens nada consequéncia, mes qu’esperam que los parents e preneràn lèu lo navèth ritme.

Fòto : Clio

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *