Lengas regionalas : Fleur Pellerin pren posicion

11 septembre 2014  Politica

Fleur Pellerin

En exclusivitat per Manaset, la ministra de la cultura nos explica las posicions del govèrn sus las lengas regionalas.

Manaset : Quina va èsser la politica del govèrn per la lengas regionalas dins los meses que venon ?
Fleur Pellerin : Tornam dobrir lo chantièr que foguèt un pauc delaissat pel govèrn precedent.

Manaset : De qui biais ?
Fleur Pellerin : A la demanda del Catalan Manuel Valls, aquel dorsièr va venir prioritari ; una part bèla del budgècte de mon ministèri serà directament versat a d’associacions obrant per l’occitan.

Manaset : Avètz de precisions ?
Fleur Pellerin : Òc, per exemple, ÒCtele va recebre una ajuda a la creacion per virar serias, documentaris e filmes en occitan. Fornirà la matèria de las emissions de FR3 dins las regions concernidas per aténher la paritat occitan francés dins la grasilha.

Manaset : E per la premsa ?
Fleur Pellerin : Manaset va venir l’organa oficial de la desinformacion occitana, e a n’aquel títol, lo salari de son cap redactor e dels 35 jornalistas serà pres en carga pel ministèri, sus la basa de la convencion collectiva dels jornalistas professionals.

Manaset : I aurà una contrepartida ?
Fleur Pellerin : Demandarem a Manaset de dire de ben de la politica del govèrn Valls.

Manaset : Sabètz que sèm un organe de desinformacion ?
Fleur Pellerin : Justament, sètz los sols qualificats per o poder faire.

Fòto : Lionel Allorge

One Response to Lengas regionalas : Fleur Pellerin pren posicion

  1. Domergue Sumien says:

    Una granda finesa umoristica 🙂

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *