Ràdio-País qu’apresta ua navèra emission : « L’amor qu’ei dens la prada »

17 septembre 2014  Cultura

Simon l'aulhèr

Los navèths dirigents de la ràdio gascona qu’an decidit de tiéner compte de las nombrosas criticas . Atau, qu’aligaràn modernitat e tradicion dens ua navèra emission… de telerealitat.

Las decisions de la navèra direccion de Ràdio País, especiaument la d’arrestar l’emission Good Morning Occitània, que son estadas contestadas dens tota l’Occitania. Los gavidaires qu’an decidit de ne tiéner compte, e qu’anoncièn gèr la lor decision d’aviar ua navèra emission tà har ua ràdio mei adaptada au public de uei lo dia. « Ne volem pas completament abandonar la tradicion, per’mor la nosta mission qu’ei purmèr la transmission. Mes qu’èm d’acòrdi que cau drin de modernitat, taus joens per exemple ».

Tà conciliar aqueths dus prètzhèits, qu’an trobat la solucion ideau. Qu’aviaràn ua emission enter la telerealitat e lo collectatge, qui s’aperarà « L’amor qu’ei dens la prada ». Lo principi n’ei lo medish que l’emission « L’amour est dans le pré » de M6 : har encontrar joen(a)s agricultor(a)s dab du(a)s pretendent(a)s entà que tròben l’amor. Mes Ràdio País qu’ajustarà a la soa version entervistats de collectatges sus las practicas ancestraus deus agricultors candidats.

Que poderatz atau descobrir tà la purmèra sason l’aulhèr Simon de la Vath de Campan, lo viticultor jurançonés Adrian e Martina, l’arboricultritz lanusqueta. Los purmèrs episòdis que seràn difusats a comptar deu 6 d’octobre sus Ràdio País, qui tornarà dilhèu lançar, tà l’escadença, la soa difusion per internet.

Fòto : Darwinek

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *