Lo respondeire de la comuna de Besièrs piratat

15 septembre 2014  Politica

Telefòne

La cançon d’espèra del respondeire telefonic de la comuna, « Douce France » de Charles Trenet es estada remplaçada per la version de Rachi Taha e Carte de Séjour de la meteissa cançon. Los servicis an mes dos jorns per se’n trachar. Lo copable es pas conegut a l’ora d’ara.

Per faire pacientar sos interlocutors telefonics, lo conse de Besièrs decidiguèt fa una setmana de faire ausir sus son respondeire la cançon coneguda de Charles Trenet « Douce France », la considerant coma pròcha de sas idèas. Malastrosament per el, qualqu’un capitèt de remplaçar la version originala per la de Rachid Taha, plan mens confòrma a l’imatge del FN.

Tanlèu l’afar conegut, lo servici comunicacion cambièt lo respondeire per far ausir « La Marseillaise ». Ailàs, l’endeman, èra la version de Gainsbourg, « Aux armes etc… » que se podiá ausir.

Lo conse demandèt la dobertura d’una enquista. Contactat, Robèrt Menard nos declara : « vau metre la cançon del Camel de Besièrs, qu’a ma coneissénça, cap d’Arabe ni mai de Josieu l’an pas jamai cantada. »

Fòto : www.learningdslrvideo.com

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *