Ràdio Occitània que barra la soa difusion per internet

23 septembre 2014  Cultura

Ràdio numerica

Après la decision de Ràdio País d’arrestar de difusà’s en linha, qu’ei la soa collèga tolosana qui barra la soa emission numerica.

« Qu’avem hèra parlat dab los nostes collègas gascons, e que ns’an ganhats au lor punt de vista. La difusion per internet n’ei pas ua bona causa tà l’espandiment de la lenga e de la cultura nostas. Dab ua ràdio numerica, l’occitan que riscaré d’estar entenut per monde qui ne son pas deu parçan o, péger, per monde qui ne son pas locutors ! », çò explica lo president de Ràdio Occitània.

Lo flus en linha que s’arrestarà lo purmèr d’octobre venider. Mes qu’ei sonque ua purmèra etapa. « Que pensam tanben a arrestar la difusion ertziana », çò hida lo president. « La purmèra tòca d’ua ràdio n’ei pas d’estar entenuda. Las nostas emissions que devon amerità’s. Si lo monde ne son pas prèsts a viéner taus nostes locaus tà ns’escotar, ne son pas dignes d’entener lo noste tribalh ».

Segon las nostas sorsas, Ràdio Lenga d’Òc Narbona e Ràdio Lenga d’Òc Montpelhièr que serén eras tanben a perpensar a clavar la lor difusion numerica.

Fòto : Saibo

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *