La berreta seriá autorizada per acompanhar de sortidas escolaras

4 octobre 2014  Ensenhament

Berreta

Pel moment, la decision aparten al cap d’establiment. Lo SNPDEN, sindicat dels caps d’establiments, demanda a l’estat de legiferar.

En aquesta dintrada escolara, Marcèl Latrille a bon esper de poder prene part a las activitats dins l’escòla de son caganís. Aquel paire de trenta ans ausiguèt dire qu’a l’escola mairala de son filh, los paires èran autorizats a participar a las activitats amb la berreta.

Per contre, Claudi Lahitte, el, poirà pas acompanhar sa filha que son escòla primària forabandís lo pòrt de la berreta als acompanhators.

« Podèm pas tolerar de signes distinctius, que la neutralitat geografica se deu d’èsser respectada, çò ditz lo director, Kevin Astruc. Se los bearneses son autorizats a portat la berreta, veirem lèu de parents afublats de sombreros, casquetas de base-ball o borsalinos ! L’escòla de la republica deu tractar cadun del meteis biais ».

Berthomieu Labatut, collectaire a Radio País, declara : « Lo pòrt de la berreta qu’ei ua libertat de cadun, en tota escadença. Qu’ei l’arrespècte de las nostas costumas e deu biais de víver bearnés. Jo, que’u pòrti tostemps, totmedish au lheit com devath la docha. L’escòla de la republica que deu arrespèctar aqueth dret ».

Dins l’espèra d’una circulària de clarificacion, mantunes bearneses son encara privats del dreit d’acompanhar lors mainatges en activitat escolara.

Fòto : Daniel Burgui Iguzkiza

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *