Un Robèrt Menard espaventós arrestat a Besièrs

29 octobre 2014  Societat

Masque de Menard

La polícia de Besièrs arrestèt ièr de ser un jove portant una masqueta de Robèrt Menard que s’amusava a faire paur als enfants.

Es dins l’aprèp dinnada que d’enfants que profietavan de l’aira de jòc de La Devesa, que serà lèu desmontada d’aprèp los servicis comunals, vegèron arribar un jove mascat en Robèrt Menard. Aqueste comencèt de los esfraiar en tenent de prepaus coma : « Vos anam forçar a portar de blòdas ! » ; « Vos serà interdit de vos passejar solets ! » ; « Anam desbastir vòstre espaci de jòc ! » e autras menaças fantasierosas.

De parents qu’avián vist lo personatge avisèron la polícia. L’individu foguèt arrestat unas minutas mai tard. Expliquèt que se voliá simplament amusar e que i aviá res de seriós ni de credible dins aquesta istòria. Son intencion èra de difusir d’imatges suls rets socials per far rire sos amics.

Lo conse de Besièrs a demandat l’indulgéncia per aquel jove e se ditz que seriá estat contactat per trabalhar al servici comunicacion de la comuna.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *