Los cans de punk gahats per la polícia de Rennes qu’arrefusan de parlar en Francés aus jutges

11 novembre 2014  Societat

Can a punk

Jutjats 24ò arron la manifestacion en aumenatge a Remi Fraisse assassinat, los 3 cans de punks arrestats per violéncias qu’an hèit valer lo lor dret de s’exprimir dens la loa lenga mairau: lo « Waf-Brezhoneg ».

Tequilawaf, Tanguyrex e Crepshuquet’, dus cans e ua canha plan coneishuts dens lo miei punk de Bretanha, ne s’estancan pas mei de lairar dens los correders deu Tribunau coreccionau de Rennes. Que horran a l’injustícia e que condemnan las violéncias policièras mentre que la manifestacion se passava plan.

« Qu’an volut har empach au passa-carrèra, alavetz qu’ei demandat au men mèste d’installar un rapòrt de fòrça dab los sons amics ominides, mes l’ahar qu’a mau virat entà jo. Que m’estimi mei la cerveza deu mèste dens lo naz que non pas aquera p… de bomba lacrimò […] Qu’èi nhacat lo cuu d’un CRS shens me n’avisar. » ce nhaula Tequilawaf.

« Mes ne’ns deisheram pas har atau », ce horneish la Crepshuquet’. « Se vòlen informacions que’us calia un traductor. »*
Los 3 acusats que riscan enter 1 e 2 ans de forrièra e un poton de la Brigita Bardòt.

*Las leis de la Republica Francesa n’arreconeishen tostemps pas lo dret tà un can o ua canha de s’exprimir dens la lenga istorica deu son parçan.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *