L’embotelhaire, un espectacle novèl balhat pel grop de pintairas La Mal Coiffée

19 novembre 2014  Cultura

L'Embotelhaire

Reproduisèm aquí un article de nòstre confraire Telerama sul triste espectacle de « La Mal Coiffée » s’adonant a la botelha dins un cafè de vilatge del Menerbés.

LA MAL COIFFÉE
Paga son Torn

Pès nus, sens talons, o en pantoflas, las cinc pintairas d’Aude mènan lors amics al rescontre de l’embotelhaire, figura occitana que coneisson plan. Lo definisson coma l’encantaire de la garganta, l’artesan que revela l’eime d’un terrador. En passant, una d’ela convida los embotelhaires presents dins la sala a pagar son còp. Es talamaent rar, çò dison. Dins l’espèra, totas cantan a plena garganta en beguent a galet lo contengut de la cava d’un dels embotelhaires, Joan Paul Despenjafigas ; botelhas vièlhas e poscosas, mas pas trop caras. Cantan l’istòria del Crist que davala de sa crotz per reclamar una cantina de Jouarres l’Etang per far passar lo gost del vinagre. Marteladas per lo tustar dels veires sul comptador, lo bruch del tap que se destapa o de la beguda que raja dins la garganta, las bramadissas de La Mal Coiffée cantan lo vin marrit e la set que t’estofa. Femnas avinadas, t’embriagan, vuejant los gòts a un ritme de pas creire, e convidan a se bandar amb elas. Se farem pas pregar.

Ana Pernod

En virada lo 22 al Tap que Canta, lo 27 al Beu Sens Set, lo 2 al Quatre Vints Caçaires e lo 16 en cò de Six Roses.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *