Fòto raubadas al balèti d’auton ; cinc vigiles mutats « per securitat »

18 décembre 2014  Politica

François Hollande e Julie Gayet

Qual a presa la fòto mostrant François Hollande e Julie Gayet dins un moment d’intimitat al balèti d’automn a Somièras ?

Una enquista foguèt lançada, per que los organizaires son segurs que la fòto foguèt presa del dedins de la sala de las fèstas per una persona trabalhant per l’associacion Coriandre mas venduda a una associacion concurenta.

Aquela fòto mostra lo parelh que profita d’una escottish jogada pel duo Oliver Sentou per jausir d’un pauc d’intimitat. Es lo primièr còp que lo cople pareis dins un balèti dempuèi la separacion del president amb la Valèria.

Aprèp la publicacion de la fòto raubada de François Hollande e Julie Gayet, l’enquista avancèt e cinq membres de la còla de securitat del balèti d’automn a Somièras son en reafectacion.

Oficialament, se sap pas quina persona prenguèt las fòtos desvelant François Hollande e Julie Gayet dins un moment d’intimitat, pareguda dins « Vaquí ». Los enquistaires son segurs que foguèt presa dempuèi la pòrta de las lòjas de la sala de las fèstas de Somièras, amb un telefonilhet. Aquò designa gaireben segurament un membre de l’equipa de securitat, sola abilitada a aver l’accès a aquel espaci. La còlha de l’estanquèt, un moment sopçonada, es estada inocentada per l’angle de presa de vista.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *