Vai te’n cagar a la vinha

14 mars 2015  Criticas de cantaires

Patric M.

Patric M. de Montpelhièr, nos fa parvenir un tèxte que se titola « Vai te’n cagar a la vinha ».

Mon pichòt Patric, se vòls èsser cantaire, e subretot compositor, te cal faire un pauc trabalhar ton imaginacion. Es pas tot d’agachar un ser de fèsta lo taulièr de Macarèl e de te dire : « aquel pegasolet me fa rire, ne vau far una cançon ! ». Se que non, vas tombar dins la facilitat e cantaràs puèi : « val mai un pichon desgordit qu’un grand estabosit » e riscas d’acabar per « farem tot petar ».

Non, mon pichòt Patric, ensaja de cantar lo Pais, las vendémias o lo mercat de Lunel, qu’es a costat de ton ostal. O l’istòria amb las guèrras o los trobadors. Se te sembla tròp complicat, te sufis de posar dins lo repertòri de las cançons tradicionalas ont traparàs plan de que sortir un o dos disques.

T’encoratjam a contunhar, mas arrèsta d’espinchar los pegasolets e crompa-te de libres !

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *