Le Zizi

18 octobre 2015  Criticas de cantaires

Pierre P.

Pèire P, de Castelsarrazin, nos fa parvenir un tèxt titolat « Le Zizi ».

Mon car Pèire. Nos semblas un pauc coquinàs per ton atge. Pensam que jògas al rugbi e qu’amb los companhs, en fin de match, passatz lo repertòri tot de « Trois orfèvres » fins a « la grosse b.. a Dudule ». Mas aqui, sias pas dins la sala del club un dissabte de victòria. Te cal faire un esfòrç. Se persistas a cantar en francés, ensaja de causas nòblas, coma lo racisme (pensa a la pichòta negra que demorava a Castelsarrazin e que sonavan Lily) o los aucelons pichons que se passan la vida en gàbia.

Se vòls faire rire los amics, aquò t’empacha pas de demorar dins lo bon gost ; parlaràs de colonias de vacanças o del patron del cafè del canton.

Me, se te podem conselhar, as una possibilitat, es la de cantar en occitan, que coma siás nascut a Castelsarrazin, unes nos an dit que lo patoés, te’n rapelas.

Mas siás pas pus dins la cort de recreacion, e una cançon sus la quiqueta te farà pas faire la carrièra que te sembla promesa !

Fòto : Georges Seguin

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *