A prepaus

Manaset es lo sol jornal numeric occitan de vertadièra falsa informacion. Totes sos articles son falses (fins a pròva del contrari) e redigits dins una mira umoristica. Amb lo professionalisme que los caracteriza, sos jornalistas recopan pas jamai lors sorsas e verifican pas cap lors informacions.

Manaset es estada creada lo 1èr d’abrial de 2014, en secession amb los autres jornals occitans que balhavan eles d’informacions vertadièras.

Manaset se vòl imparciala e irreprochabla. La màger part de las personas citadas dins los faits divèrses son imaginàrias. Tota semblança amb de personas qu’existisson o qu’an existit es siá accidentala, siá parodica, e l’utilizacion de noms de personalitats o d’entrepresas a una tòca purament satirica.