Mots-claus : audiovisual

Una adaptacion a l’ecran de « Fotrairòl » de Sèrgi Viaule

5 octobre 2015

Fotrairòl

Tanlèu lo recuèlh de novèlas paregut, Piget Pr0n a decidit de ne faire l’adaptacion televisuala.

Realizator, productor, fondador de Piget Pr0n, Anick Vedèl es un personatge exigent, perseverant, e que porgís un trabalh de qualitat. En collaboracion amb Sèrgi Viaule, ven de lançar lo filmatge de l’adaptacion tele de son darrièr recuèlh de novèlas eroticas en occitan : « Fotrairòl ». Aquò ven a la seguida de la darrièra realizacion de Piget Pr0n, « Còp de Quica », difusada sus França 3, que conta en vint episòdis la fornicacion en Occitania entre los sègles IXen e XIIIen.
(suite…)

ÒC tele que lança lo « Babel show »

25 octobre 2014

D'ÒC Show

Après la mesclanha de lengas dens lo son darrèr D’ÒC Show, la cadena de television per internet qu’a decidit d’aviar ua navèra emission en dirècte : lo Babel Show.

« Qu’ei tostemps un problèma tà trobar convidats qui parlen la lenga e qui sian en relacion dab la tematica abordada », çò explica Valentin Estève, encargat de produccion d’ÒCtele. « Si volem parlar de cultura o d’ensenhament, que va, mes taus autes subjèctes, que mancam d’intervienents ». En efèit, que semblaré los occitanofònes qu’ajan centres d’interès pauc diversificats.
(suite…)

Ràdio Occitània que barra la soa difusion per internet

23 septembre 2014

Ràdio numerica

Après la decision de Ràdio País d’arrestar de difusà’s en linha, qu’ei la soa collèga tolosana qui barra la soa emission numerica.

« Qu’avem hèra parlat dab los nostes collègas gascons, e que ns’an ganhats au lor punt de vista. La difusion per internet n’ei pas ua bona causa tà l’espandiment de la lenga e de la cultura nostas. Dab ua ràdio numerica, l’occitan que riscaré d’estar entenut per monde qui ne son pas deu parçan o, péger, per monde qui ne son pas locutors ! », çò explica lo president de Ràdio Occitània.
(suite…)

Lo darrier film de l’estudiò Ghibli será adaptat de Marcela Delpastre

19 septembre 2014

Studio Ghibli

Còp sus còp, en mens d’un an, l’anoncia de l’arrest per l’estudiò d’animacion japones Ghibli de la produccion de long-metratges e aquela de la retirada de son fondator e realisator emblematic, Hayao Miyazaki, aviá creat la suspresa chas los fans. Una autra e ultima suspresa ven d’esser anonciada : l’estudiò preparariá, avant la fin de sas activitats cinematograficas, una liura adaptacion dau Tombeau des Ancêtres, de Marcela Delpastre.

Malaisat de pas veire darrier aquela chausida la pauta daus ancians mestres de l’estudiò, Hayao Miyazaki e Isao Takahata, tots dos oficialament retirats. E se ni l’un ni l’autre serán efectivament a la realizacion, an admes dins la prensa aver pausat las basas scenaristicas dau project e lo supervisar de la debuta a la fin.
(suite…)

Ràdio-País qu’apresta ua navèra emission : « L’amor qu’ei dens la prada »

17 septembre 2014

Simon l'aulhèr

Los navèths dirigents de la ràdio gascona qu’an decidit de tiéner compte de las nombrosas criticas . Atau, qu’aligaràn modernitat e tradicion dens ua navèra emission… de telerealitat.

Las decisions de la navèra direccion de Ràdio País, especiaument la d’arrestar l’emission Good Morning Occitània, que son estadas contestadas dens tota l’Occitania. Los gavidaires qu’an decidit de ne tiéner compte, e qu’anoncièn gèr la lor decision d’aviar ua navèra emission tà har ua ràdio mei adaptada au public de uei lo dia. « Ne volem pas completament abandonar la tradicion, per’mor la nosta mission qu’ei purmèr la transmission. Mes qu’èm d’acòrdi que cau drin de modernitat, taus joens per exemple ».
(suite…)

Manaset a son JT !

5 septembre 2014

Lo JT de Manaset

Manaset se bota a la television ! A enregistrat un vertadièr jornal televisat de falsa informacion occitana e l’a prepausat a ÒCtele.

Se pòt ja veire en linha a l’adreça : http://www.octele.com/video-oc/reportage/manaset.html. Serà tanben difusat en flús tre la setmana que ven a 19h30. Venètz veire nòstres jornalistas al trabalh !
(suite…)