Mots-claus : audiovisual

SOLET Produccions, una bóstia que bolega

3 septembre 2014

Solet Produccions

Manaset fa lo retrach d’una bóstia de produccions tota novèla.

Dempuèi qualquas annada avèm polgut remarcar la modernizacion dels medias occitans. Tot aquel trabalh es fait en collaboracion amb de bóstias de produccions occitanas. Coneissiam Piget prod, ara lo pichòt novèl : SOLET Produccions.
(suite…)

Ràdio País qu’aprèsta la soa programacion de rentrada

17 août 2014

Ràdio

Si la ràdio bearnesa a redusit drin las soas emissions pendent l’estiu, qu’ei tà miei preparar la soa rentrada. Au programa : tres navèras emissions, ua play-list alargada e dilhèu navèras alianças.

La purmèra emission que serà musicau. Presentada per Domenja Lekuona, que parlarà de musica contemporanèa. « La nosta ràdio qu’a tostemps lo prètzhèit de cultivar lo monde a despieit d’eth », çò explica. « Contempor’òc que durarà ua òra, e que harà descobrir artistas com Joan-Francés Tisnèr, John Cage, Joan-Francés Tisnèr, Steve Reich o enqüera Joan-Francés Tisnèr ».
(suite…)

La Seria : objectiu realizat, mas la caissa a desaparegut !

2 août 2014

La Seria

La presentacion del primièr episòdi de La Seria recampèt fòrça public mas de rumors circulan.

L’equipa de Piget Prod presentèt a Rodés davant un public nombrós la novèla seria en occitan qu’es a se finalizar. Los donators an respondut present sus ULULE e la soma esperada es esatda mesa a disposicion de l’equipa per finalizar lo pilòte.
(suite…)

Plagiat : Budget Prod ataca en justicia la cadena de television Bretzhoweb

4 juillet 2014

R16

La cadena de television web en lenga bretona auriá copiat « La Seria » per una futura seria en breton titolada « Stirad ». Budget Prod pòrta lo planh.

Yannick Mandel e l’equipa tota de Budget Prod foguèron enrabiats quand aprenguèron que Bretzhoweb metiá en rota lo rodatge d’una seria novèla en breton. Lo scenari n’es simple : son dos joves bretons amb una Renault 16 que van cèrcar d’argent per virar una seria tele que parla de dos joves que vòlon virar una seria tele sus dos joves que cèrcan d’argent per virar une seria tele que parla de la dificultat per dos joves de trapar d’argent per virar una seria tele. Lo nom breton de la seria significa « Sant Miquèl dels Monts ».
(suite…)

Los dracs de la telerealitat

14 juin 2014

Los Dracs de la telerealitat

Valentin Esteve, lo director artistic de OC Tele, es vengut parlar a Manaset del lançament de sa novèla emission de telerealitat.

Es la novèla del mes. OC Tele, la cadena de television occitana, lançarà a la dintrada venenta una emission de telerealitat. Se sonarà « Los dracs de la telerealitat ». Valentin Esteve, lo director artistic, ne balha los detalhs a Manaset :
(suite…)

Mauresca, un biopic de pas mancar

15 mai 2014

Biopic Mauresca

Legenda vò realitat, degun va saup, tot començèt en 1993 dins lo cabanon dei parents de Silvan Chabròt a Sant Jòrdi D’Orques.

Una còla de joves passionats per l’eiretatge de Tariq Ibn Zyad, autrament conoissut coma Al Adalus, començan de mesclar lo pastis ambé d’ordiat, per inventar una beguda que faguesse lo liame entre lo merende adolescent et la nhiasca biterenca.
(suite…)