Mots-claus : carnaval

Lo carnaval Biarnés se farà en 2016

19 septembre 2015

Sent Pançard e feca

En descobrent las dificultats d’organizacion rencontradas per l’equipa navèra, lo Comitat deu Carnaval de Limós qu’a decidit, per solidaritat, d’arcuélher augan dens la soa vila lo Carnaval de Pau.

Com lo Carnaval de Limós ei lo mei long deu monde, la decision qu’estó viste presa : augmentar de quate dias la durada deu Carnaval 2016 entà arcuélher lo son omològue paulin, e aquò tant que las dificultats sus plaça ne seràn pas resolvudas.
(suite…)

La vertat suu Carnaval Biarnés

30 juin 2015

Carnaval Biarnés

Lo Conselh d’administracion de l’associacion Carnaval Pantalonada qu’anonciè la soa decision de non pas organizar lo Carnaval Biarnés de 2016. Manaset qu’enquista.

Las rasons vertadèras, que las cau trobar a la comuna de Pau, au près deu Maire. Manaset qu’a encontrat Francis Veiron qui’u a explicat perqué e volé la fin de Carnaval (suite…)

Tau carnaval augan, Sent Pançard que serà Charlie

2 février 2015

Sent Pançard qu'ei Charlie

Lo gran rei deu Carnaval Biarnés, eth tanben, que vòu la soa part dens la recuperacion deus eveniments de la debuta deu mes.

« Exiliat en Aragon, qu’estoi lo sol a non pas poder participar a la recuperacion politica de l’atemptat de Charlie Hebdo », çò expliquè Sent Pançard au parat d’ua conferéncia de premsa, dissabte passat, dens lo vilatge bearnés d’Anoja. « Adara que soi tornat tà casa, que serei Charlie autant com los autes ».
(suite…)

Los chineses crompan lo Carnaval de Limós

19 janvier 2015

Carnaval de Limós

Lo carnaval de Limós, lo mai long del mond, a començat lo 11 de genièr. Ongan, es endecat per l’anóncia de sa crompa per una societat chinesa organizaira d’eveniments festius.

A fait l’efièit d’una bomba vertadièra sus la plaça de la Republica : Carnaval es estat crompat pels chineses. Se sabiá que lo Comitat, confrontat a de dificultats financièras de las bèlas, cercava de solucions cap al mecenat privat.
(suite…)

La darrièra fabrica artesanala de confètis menaçada de barradura a Limós 

11 avril 2014

Carnaval de Limós

La nòrma novèla AFNOR NF EN 71-3 risca d’èsser fatala a la darrièra entrepresa de confètis limoxina. D’efièit, Euròpa a renforçat recentament l’aplicacion de las nòmas, exigent de tèstes per cada article de divertiment vendut dins la Comunautat.

Aquela novèla nòrma pausa un problèma dels grands a la fabrica de confètis de Limós, que cada confèti, descopat al cisèl manualament, es un article unenc. Cal doncas testar cada confèti, çò que fa pujar de tròp lo còst del dit tèst. Benlèu que la familha Delprat, fabricants de confètis dempuèi quatre generacions, seràn menats a arrèstar lor activitat.
(suite…)