Un pedon se jeta sus las veituras estacionadas. L’òme es espitalizat dins un estat seriós.
Diluns en fin de matinada, a l’ora que lo parcatge es emplenat a son maximum, un òme de quaranta ans, vestit de bralhas patas d’elefant e d’una camisa a flor s’es jetat sus las veituras estacionadas al crit de « Farem tot petar ! ».
(suite…)
Lo grop Tres a cantar es a se reviscolar. Après sièis ans de silenci, tornan dins la mira de far cambiar las causas.
Auretz sens dobte remarcat que coneissèm ongan un estiu marcat per de precipitacions abondosas e frequentas que fan lo bonaür dels païsans e autres vendeires de parapluèjas. Mas aqueste còp, vos caldrà pas cercar d’explicacions del costat de Sant Medard ni de Sant Bernabèu mas puslèu dins lo reviscòl recent de la joiosa còla de cantaires roergats « Tres a cantar ».
(suite…)
Voies Navigables de France va experimentar una solucion novèla per remplaçar las platanas malautas, solucion que mescla ecologia e manten del païsatge.
Aprèp un molon d’estudis per trapar una solucion a la disparicion de las platanas bordant lo Canal de las Doas Mars, l’entrepresa Big Malhum, de Capestanh, prepausa quiquòm de nòu.
(suite…)
En Arièja, lo plan de reintroduccion dels hippies prepausat pel Ministèri de l’ecologia soslèva de polemicas.
Foguèt un temps qu’Arièja èra a la punta per l’installacion sul sèu territòri de hippies, peluts e autres pelhandrauds. Mas aquesta populacion simpatica aitant qu’econòma en aiga vielhiguèt, e, dempuèi las annadas 70 demesiguèt de mai dels ¾, çò diguèt la darrièra enquista de l’Observatòri de la Neò-Ruralitat. Per sauvar l’espècia dins aqueste element salvatge que li es favorable, lo Ministèri de l’ecologia lancèt un plan de reintroduccion, atacat de totas parts.
(suite…)
