Mots-claus : eleccion

Comunicat deu comitat Hilh De Puta (HDP)

8 avril 2015

Planvienuts en Duponia occidentau

Manaset qu’a recebut un comunicat deu comitat Hilh de Puta a la seguida de las eleccions departamentaus.

« Arron lo plebiscite obtienut a las eleccions departamentaus deu Bernard Dupont, ajudat en massa peus electors de tota la gran familha de dreta dura, lo comitat HDP que s’interòga de cap tà l’anexion de territòris vesins deu reiaume de Duponia dejà plan granàs.
(suite…)

Lo MOOC de breton d’Edubreizh saturat après las resultas de las europèas

27 mai 2014

MOOC d'Edubreizh

Après l’anóncia de las resultas de las eleccions europèas, numeroses occitans an planificat de s’exiliar dins la circonscripcion Oèst ont lo FN es arribat sonque second. Per çò far, vòlon aprene lo breton.

« Foguèt una marèa d’inscripcions que nos arribèron dins la nuèit de dimenge a diluns », çò conta Gaël Harwen, responsable web a Edubreizh. « Nos calguèt tampar lo site per evitar que lo servidor tombèsse ». D’efièit, après las resultas de l’escrutin, una granda part dels occitans an decidit d’aprene lo breton.
(suite…)

Eleccions europèas : las leiçons de tirar de l’escrutin de dimenge

26 mai 2014

Eleccion

Manaset a obtengut en exclusivitat una entrevista del sénher Lapalma, responsable de comunicacion al Partit Socialista per parlar de las consequéncias del resultat a las eleccions europèas sus l’accion del govèrn.

Manaset : Lo resultat de l’escrutin confirma lo de las eleccions municipalas. Qué comptatz faire ?
S. L. : Avèm plan ausit lo messatge dels Franceses. Anam téner compte de lor opinion.
(suite…)

Soulages encargat pel govèrn de l’aparéncia del novèl bulletin blanc

4 avril 2014

Bulletin blanc

La concepcion del novèl bulletin de vòte blanc ven d’èsser fisada a Pierre Soulages aprèp un concors que mai de cent artistas i participèron. Lo quasèrn de las cargas preciza que, plan segur, aquel bulletin deurà èsser completament blanc.

« Òm qualifica de vòte blanc lo depaus dins l’urna d’una envolopa sens bulletin o contenent un papièr deprovesit de tota indicacion », çò preciza lo tèxt oficial. Aquel vòte serà reconegut tre la eleccions europèas venentas. Mas per evitar tota confusion, lo governament dins lo decret d’aplicacion del tèxte del 25 de mai reconeissent lo vòte blanc, precizarà que sola l’utilizacion del bulletion creat per Solatge permetra aquesta reconeissença. Totas los autres papièrs, amai blancs, seràn comptabilizats dins los bulletins nuls.
(suite…)

« Demolir », lo navèth partit anti-occitanista

23 mars 2014

Demolir

Un gropament politic que vòu presentar candidats a las municipaus de 2020 tà assegurar l’abséncia de l’occitan dins la vita publica.

« Demolir » qu’ei lo nom d’aqueth gropament politic qui s’amassa autorn d’un manifèste anti-occitanista. Lo son prètzhèit qu’ei d’assegurar l’abséncia de l’occitan dens l’ensenhament, los medias e la vita publica. La soa mira : las eleccions municipaus de 2020.
(suite…)