Mots-claus : ensenhament

Lo 1000en cors d’occitan pels vièlhs ven d’obrir

6 avril 2014

Cors pels ancians

Lo malhum nacional dels cercles occitans s’es felicitat quand « Aprenem l’Occitan » li a transmés la novèla : a la debuta d’abrial s’es dobèrt lo 1000en cors de lenga pel tresen atge.

Se debana a Sant Gèli, dins Gard, cada dimars de 10 oras a 11 oras del matin. « Aqueste orari permet de destriar lèu lo public », explica Enric Valalièr, president del cercle occitan local. « Normalament, fòra los retirats, pas degun es disponible a aquela ora. Solide, i a totjorn la risca qu’un estudiant siá liure lo dimars de matin, mes las tematicas causidas e la pedagogia aplicada lo deurián dissuadir pro lèu ».
(suite…)

« La lenga tà tots » que crida la soa colèra

3 avril 2014

Manifestacion a Tolosa

Dimenge passat, ua manifestacion deu movement « La lenga tà tots » qu’amassè milèrs de personas hens las carrèras de Tolosa. Que protestèn contra la l’eleccion de candidats « Bastir » a las municipaus e contra la Teoria deu bilingüisme.

« L’arribada hens las municipalitats de candidats qui sostienen la Teoria deu bilingüisme qu’ei ua miaça tà la democracia », digó lo pòrtavotz de « La lenga tà tots » a Manaset. « Que demandam que la lei suu maridatge enter francofònes e occitanofònes e sia abrogada de tira », ajustè.
(suite…)

Dintran dins la clandestinitat per poder demorar maridats

23 mars 2014

Nòvis

Un coble d’ensenhaires de l’Erau son estats obligats de désaparéisser après s’èstre maridats, amenaçats per lors federacions respectivas. Un trabalha dins lo public e l’autra a Calandreta.

Lor a calgut causir : divorciar o dintrar dins la clandestinitat. Es aquesta opcion qu’an preferida aqueles dos ensenhaires fàcia a las pressions de lors federacions respectivas. D’efièit, Maria Fabres èra regenta en Calandreta quand Ugolin Delpuèch èra professor de las escòlas bilingüe dins lo public. Se maridèron lo 24 d’agost passat. Après aver aprés la novèla, lors federacions respectivas lor avián demandat de divorciar « sota pena de represalhas ».
(suite…)