Mots-claus : estivada

En dirècte de l’Estivada : Dijòus

23 juillet 2015

Fabricat a l'Isla de Baish

En dirècte de l’Estivada, Manaset vos desinforma al moment de tot çò que se passa al festenal.

Jornaga negra a l’Estivada. Aquò comencèt per l’annulacion del concèrt d’Alidé Sans, victima d’una intoxicacion alimentària provocada per de caulets torrats.

Puèi lo concèrt de Guilhèm Lopez, Made in Aquí, foguèt retardat per un constat d’ussièrs mandats per la societat Racamèl que portèt lo planh, estent que lo concèpte « Made in Aquí», present sus sas camisetas, es depausat a l’INPI. Lo director d’aquesta societat contesta a G. Lopez lo dreit d’utilizar aquel nom. A la seguida d’aquesta intervencion, lo concèrt deguèt èsser tornar nomenat al darrièr moment. S’es sonat « Fabricat a l’Isla de Baish ».

Enfin, Danièl Lodò, lo cantaire de La Talvera, se faguèt brigalhar son acordeon. Un individú originari de Gers, plan conegut per sas posicions anti-acordeon, es en garda a vista. Sabèm pas a l’ora d’ara se poirà assegurar son concèrt de deman. La Talvera a pogut jogar mercé a un amator que prestèt aimablament son diato. Lo director de l’Estivada a sombrat dins un estat depressiu grèu. Nòstre enviat especial temptarà malgrat tot de l’entrevistar dissabte coma previst.

En dirècte de l’Estivada : Dimècres

22 juillet 2015

Cauçaduras a l'Estivada

En dirècte de l’Estivada, Manaset vos desinforma al moment de tot çò que se passa al festenal.

Lo conse de Rodés ven de prene un arrestat municipal de darrièra minuta. Per degradar pas l’Esplanade des Ruthènes que fa fàcia al musèu Soulages, la circulacion dels pedons es somesa a restriccion : del 22 al 25 de julhet, entre 17 oras e doas oras del matin, per circular a pè sus l’esplanada, se caldrà descauçar. (suite…)

Las previsions de Bison Finòt per los desparts a l’Estivada

20 juillet 2015

Dimècres, de milierats de festenalièrs van converjar sus Rodés per participar a l’Estivada. Manaset met en plaça un servici novèl, Bison Finòt, per vos ajudar a arribar sus plaça dins las melhoras condicions.

La color del trafec indicada per Bison Finòt dimècres e dijòus es rosat. Deuriá passar al roge a partir de divendres per tornar al blanc dimenge amb los tripons.
(suite…)

Lo grop « Los Pistrolaires » manda una letra dobèrta a Manaset

20 août 2014

Estivada

Avèm recebut una letra dobèrta del grop « Los Pistrolaires » a prepaus de lor non-participacion a l’Estivada de Rodez. Boris Caldeuil, encargat dels repotegaires a l’Estivada, refusa de respondre tant qu’utilizarem aquel chaffre.

« Comprenem pas perqué sèm pas estats programats a l’Estivada de Rodés. Nòstre grop es completament desconegut, la musica que fasèm es d’un estil vertadièrament grand public. S’agís d’un barrejadís de musica cajun, de cants inuits, de percussions Daucy e de trad basco-norvejo-occitan. L’espectacle es pas car : 25 750 € per tres musicians sens qualificacion, e las pretencions modèstas : ostalariá 5 estelas, 3 repaissses per jorn dins un restaurant vegan luxuós (65 € lo menut minimum), lotjas privadas reservadas per la setmana. (suite…)

Estivada : la securitat fòrabandís per error un musician de Goulamas’k

4 août 2014

Los vigilas fòrabandisson Flo

Lo concèrt de Goulamas’k, lo darrièr ser de l’Estivada, manquèt d’èstre anullat a la darrièra minuta. La causa ? Los vigilas fòrabandiguèron un dels musicians en cresent qu’èra un marginal.

Èra un pauc après las balanças e los musicians dels Goulamas’k se pausavan abans lor concèrt del ser, lo dissabte 26 de julhet, darrièr jorn de l’Estivada de Rodés. Flo, guitarrista del grop, se volguèt anar préner una cervesa dins l’espaci dels artistas. Mas los vigilas lo veguèron e, pensant qu’èra un marginal, lo fòrabandiguèron de l’espaci del festenal.
(suite…)

Estivada de Rodes 2014 : lo festenal se tendrà plan, mas sens musica

11 juillet 2014

Rodés

Lo conse de Rodés, Christian Teyssèdre, demanda a l’equipa d’Estivada d’evitar tota forma de musica sonorizada o acostica entre 11 oras e 17 oras e de 18 oras fins a 10 oras del matin.

Es la consternacion per l’equipa d’Estivada. Aprèp l’interdiccion de maquinas de levatge e l’interdiccion del taulièrs de restauracion, es ara un arrestat novèl que ven d’èsser pres, interdisent la musica a la oras de frequentacion de l’esplanade des Ruthènes e de la Place d’Armes.
(suite…)