Mots-claus : faits diverses

14 de julhet: un adolescent que pana la bomba atomica

15 juillet 2014

Bomba atomica

Gran paur au cap de l’Estat e mei particularament dens l’armada de l’aire au Mont (Lanas) arron la desaparicion de la bomba atomica.

Maishanta limonada au Passacarrèra deu 14 de julhet. Profieitant de la sortida de l’armada de l’aire deu Mont entà anà’s passejar, un joen de 16 ans que s’ei engulhat dens lo siti d’estocatge nuclear de l’armada francesa a 11h.
(suite…)

Desfís facebook : i a una vertadièra banalizacion del dangièr

16 juin 2014

Castelnau d'Ari

A Castelnau d’Ari, un jove inconscient s’es encara daissat anar a un desfís facebook sens se rendre compte del dangièr : el e son amiga an degut èsser espitalizats a Carcassona.

Fòrça monde ara an ausit parlar dels desfís facebook. Aprèp « neknomination » qu’encoratjava a se filmar a beure de begudas fortament alcoolizadas e « à l’eau ou au restau », un desfís novèl met en dangièr los joines occitans inscrits sus facebook. Se ditz « afartadís » e se cal filmar a manjar la mai gròssa quantitat possible de l’especialitat locala.
(suite…)

Capestanh : un òme bandat braca lo buralista amb una arma de punh

31 mai 2014

Bracatge

Lo burèu de tabac de Capestanh es estat la cibla d’un raubaire un pauc particular. Es estat mes en fugida pel buraliste coratjós.

Dijòus aprèp dinnar, del temps que trabalhava, lo buraliste de Capestanh vegèt dintrar dins sa botiga un òme visiblament embriagat. Aqueste lo menacèt amb un pistoilet en cridant : « Impôt révolutionnaire, aboule la caisse! Visca lo crit de las cigalas e la fèsta de la musica prematurada ! »
(suite…)

Caça al Tamarro tragica a Premian (34)

21 mai 2014

Accident de veitura

Après una serada plan assagada, una simpla caça al Tamarro s’acabèt d’un biais tragic.

A la fin d’un repais del comitat de las fèstas la dimenjada del primièr de mai,  los joves del vilatge de Premian decidiguèron d’organizar una caça al Tamarro. Coma se fa de costuma, lo mai niais dels participants foguèt menat, saca en man, dins un valat luènh de las abitacions per esperar lo Tamarro que los autres, armats de bròcs, devián rabatre. E tota la còla dintrèt acabar las cantinas de cartagena. Aital, doblidèron lo paure Gerald.
(suite…)

En voler hà’s amics, un neo-rurau que tua lo can deu son vesin

2 avril 2014

Husky

La cultura deus navèth arribats dens lo miei rurau qu’ei a còps problematica mes que pòt préner proporcions de las qui n’imaginam pas. L’exemple d’aqueste drame animau a Samadet que’n pòrta las pròbas. Qu’ei tota un país qui ei butada.

Jean-Marie Duponton n’ei pas un personatge hèra sociau mes qu’ei un òmi hart d’imaginacion. Aqueste neo-rurau originari de Melun e instalat despuish la soa retirada a Lacajunta (Lanas) qu’a avut ua idea de las grans entà simpatisar dab lo son vesin Thierry Capdecalhau. Aqueste qu’ei pair de familha deseparat de la soa hemna e qui a la guarda alternada d’ua petita Alienòr (5ans). Tot que comença lo dimars 1er d’abriu :
(suite…)

Tua sa femna per un accent grèu sul mot euro

22 mars 2014

Dimenge passat, un lingüista balhèt cinc còps de cotèl a sa femna qu’aviá escrit « èuro » en plaça d’« euro ».

Es un drame linguistic. Lo dimenge 30 de març Joan Fargin, lingüista occitan de Bram, assassinèt sa femna amb un cotèl de cosina. « Ai perdut lo cap », expliquèt a la polícia pendent son arrestacion. « Quand ai gaitat lo chèc que veniá de faire pel loguièr, ai pas pus vist qu’aquel mot « èuro » e ai pas pus pogut pensar a quicòm mai ».
(suite…)