Mots-claus : justicia

Los eiretièrs de Loïs Alibert pòrtan lo planh contra cinc acadèmias de la lenga occitana

1 septembre 2014

Tribunal

A la seguida d’un article paregut en cò d’un concurrent nòstre, los descendents de Loïs Alibert, l’autor del diccionari referent de l’occitan estandard, pòrtan lo planh per arcelament sexual e viòl en reünion.

Es un article del lingüiste plan conegut D.S. que lancèt l’afar, o puslèu la frasa de l’article en question : « Tota “acadèmia” que se lança dins una violacion d’Alibèrt e del CLO s’autoexclutz del trabalh seriós. »
(suite…)

Emil Collard condemnat per usatge artistic del canabís

27 juin 2014

Canabís

Emil Collard chuba de canabís per poder escriure e compausar sas cançons reggae. Es estat condemnat dimars passat per usatge d’estupefiants.

Aquel autor-compositor-interprèta es president de l’associacion « Chubar per crear », que milita per la legalizacion del canabís a usatge artistic. « Los poètas, los musicians, los pintres an totjorn agut besonh de chubar, beure o cimsar per trobar l’inspiracion. La consomacion d’estupefiants dins aquel encastre a pas res a veire amb los jovents que se drògan sens pas cap de rason », çò explica.
(suite…)

Destroçament d’un malhum de terroristas irlandés en Aquitània

4 avril 2014

GIGN

L’IRA CIONAU visava l’importanta comunautat britanica d’Aquitània e sei possessions.

L’IRA CIONAU (Irish Republican Army – Communauté irlandaise d’Outre-mer Nationaliste Anti Unioniste, segond son nom francés) s’es fargada dins lei nombrós establiments irlandés dau còr de vila de Bordèu. Sei recampaments se fasián totjorn en d’oras precisas, entre 18h et 22h sota lo nom escondut d’Happy Hour, onte recrutavan totjorn que mai, se servissent de l’arcòl pauc carivend per enrotlar de predas eissudas dau mitan deis estudians girondins.
(suite…)

Ora d’estiu : la familha d’un òme defuntat en julh ganha son procès contra l’estat

1 avril 2014

Pendula

La familha de Maurici Pages, defuntat en julh de 2010, ganhèt son procès en primièra instància per « temps personal desvirat sens compensacion ». Lo tribunal d’instància de Lavaur rendèt aquel jutjament susprenent que podriá far jurisprudéncia, condemnant l’estat a 587,65 € de domatges e interès al profièit de la familha Pages.

Lo rendut del tribunal, s’apiejant sus una recomendacion de la cort europèa, precisa qu’al moment del passatge a l’ora d’estiu, una ora de temps es tirada a cada persona. Coma aquela ora es tornada a la davalada, es sens consequéncia pels ciutadan. Levat se la persona defunta abans lo tornar a l’ora d’ivèrn. Dins aquel cas, l’ora presa deu balhar luòc a compensacion, çò estimèt lo jutge, compensacion que reven legitimament als eiretièrs conformament a l’article 223 445 bis del còdi civil.
(suite…)