Mots-claus : lingüistica

Un atemptat evitat de justesa a l’universitat Paul Valeri

24 août 2015

Universitat Paul Valéry

Un terrorista plan preparat e decidit es estat mestrejat al moment de cometre son atemptat, mercé al coratge de dos estudiants del MEBOC.

Es en plen amfi, al moment d’un cors sus la literatura occitana del sègle 20, que lo terrorista se levèt per perpetrar son malfait. Urosament, dos estudiants del Meboc, desrevelhats per un còp, ausiguèron lo malfactor que repetava a votz baissa « degunalitat degunalitat ». Son intencion èra segurament de getar aquesta panoccitanitat a las aurelhas dels paures estudiants occitans, que la risca de traumatisme es grandarassa, sens parlar dels professors presents dins la sala.
(suite…)

Lo film que fa l’aficha : 50 nuàncias de grèu

18 février 2015

50 nuàncias de grèu

Lo darrièr film de diget prod, 50 nuàncias de grèu, es a l’aficha dempuèi dimècres. Promet de batre los succès d’audiéncia.

Aquel film es pas per totes los publics. Es l’istòria d’un lingüiste pervèrs, que vòl convertir sas conquistas femininas a son biais de pensar. La darrièra en data, Anna, n’es amorosa e va temptar de lo tornar dins lo camin drèit. Acceptarà d’anar dins la cambra verda, ont Crestian fòrça sas somesas a aprene las reglas de gramatica, de lexicologia e de fonologia. Unas scenas son de mal susportar. La e de sosten trucarà fortadament las personas sensiblas.
(suite…)

Los lingüistas occitans unanimes sus la correccion d’un tèxte

28 janvier 2015

Bona annada

Qu’ei un eveniment istoric. L’InÒc que s’i ei escadut a produsir un tèxte qui a hèit l’unanimitat deus lingüistas.

« Tot qu’ei corrècte », qu’an declarat a l’unanimitat los quinze lingüistas qui an tornat léger lo tèxte. « N’i a pas nada peca ». Tau purmèr còp despuish 1875, un organisme occitan que s’i ei escadut a escríver un tèxte qui a hèit l’unanimitat deus correctors.
(suite…)

L’Acadèmia francesa interdís los mots d’origina occitana

11 octobre 2014

Acadèmia francesa

Après aver descobèrt lo Petit guide insolent des mots occitans, passagers (clandestins) du français de Florian Vernet, l’Acadèmia francesa a decidit de tornar far lo diccionari per tirar çò que considèra coma d’eresias.

« En seguida d’aquelas revelacions orrificantas, prendrem las mesuras que s’impausan per eradicar totas aquelas estigmatas patesantas dins nòstra polida lenga francesa », çò anoncièt lo president de l’Acadèmia francesa tre la darrièra pagina del Petit guide legida.
(suite…)

Los eiretièrs de Loïs Alibert pòrtan lo planh contra cinc acadèmias de la lenga occitana

1 septembre 2014

Tribunal

A la seguida d’un article paregut en cò d’un concurrent nòstre, los descendents de Loïs Alibert, l’autor del diccionari referent de l’occitan estandard, pòrtan lo planh per arcelament sexual e viòl en reünion.

Es un article del lingüiste plan conegut D.S. que lancèt l’afar, o puslèu la frasa de l’article en question : « Tota “acadèmia” que se lança dins una violacion d’Alibèrt e del CLO s’autoexclutz del trabalh seriós. »
(suite…)

Lo « patés del Medòc » es mai que viu

10 juin 2014

Le patois médocain n’est pas mort

Un estudiant sòci del Medòc reagís a un article del jornal Sud Ouest que qualifica son parlar de « patés quasi completament desaparegut ».

Aquesta setmana, lo quotidian Sud Ouest publiquèt un article per parlar un còp de mai la vivacitat de la lenga gascona : « Le patois médocain n’est pas mort ». Avèm encontrat un estudiant montpelhierenc que ten a reagir. Militant associatiu puslèu prudent, lo nòstre jove a tengut a conservar son anonimat. Nos explica :
(suite…)