Mots-claus : lingüistica

Putsch al Conselh lingüistic del Congrès

22 mai 2014

Conselh lingüistic del Congrès

Lo dimècres 21 de mai, a l’escasença de l’Amassada generala del Congrès permanent de la lenga occitana, los militants epaudians an tombat lo govèrn del president del conselh lingüistic Pascal Fauvet.

Es la panica al dintre del mitan lingüistic occitan. Lo còp de fòrça de Jocelyne Epaud e sos partisans a susprés tot lo monde. Degun s’esperava pas a una ataca armada e, jogant de l’efièit de suspresa, los epaudians an tombat lo govèrn en plaça per préner la presidéncia del conselh lingüistic del Congrès.
(suite…)

Que lhevan las darrèras « F » deu gascon

10 avril 2014

Hors e costumas de Bearn

L’IVG (Institut de las Vaths Gasconas) que vien de méter au punt ua navèra nòrma tà l’escritura deu gascon. Qu’an remplaçat las darrèras « F » qu’i demoravan per de « H ».

« La H qu’ei la marca de habrica de la lenga de las vaths gasconas », expliquè lo President de l’associacion. « Que’n deven hicar hens lo mei de mots possible. Lo nom deu noste bon rei Henric que comença precisament per ua H », brombè.
(suite…)

Lo Congrès Remanent tà la Lenga occitana que perpausa ua exposicion sus las expressions deu sèxe

4 avril 2014

Los mots tau sèxe

Après aver, a l’escadença deu Carnaval Biarnés, hicat afichas dab las expressions de la hèsta, lo Congrès Remanent tà la lenga occitana qu’a hèit panèus dab « Díser lo sèxe » tau salon de l’erotisme de Niça.

Entà tocar un public navèth en PACA, on la situacion de l’occitan ei preocupanta, lo Congrès qu’avó ua idea de las bonas : assegurar ua preséncia de la lenga au Salon de l’erotisme qui s’avia uei e s’acaba doman, lo dimenge 6 d’abriu.
(suite…)

Catalonha adoptarà un novèu sistèma ortografic tre l’indepéndencia aquesida

4 avril 2014

Escritura

La tòca d’aquela causida es de rompre amb lo colonialisme espanhòl e l’impoténcia occitana

Dins la seguida de sa demanda d’intrada dins la francofonia, la Generalitat de Catalonha anoncièt la mesa en plaça, se per cas ganhariá la votacion per l’independéncia, d’una refòrma pregonda de son sistèma ortografic per posquer donar de pròvas de fidelitat futura a sa vesina francesa.
(suite…)

Tua sa femna per un accent grèu sul mot euro

22 mars 2014

crime

Dimenge passat, un lingüista balhèt cinc còps de cotèl a sa femna qu’aviá escrit « èuro » en plaça d’« euro ».

Es un drame linguistic. Lo dimenge 30 de març Joan Fargin, lingüista occitan de Bram, assassinèt sa femna amb un cotèl de cosina. « Ai perdut lo cap », expliquèt a la polícia pendent son arrestacion. « Quand ai gaitat lo chèc que veniá de faire pel loguièr, ai pas pus vist qu’aquel mot « èuro » e ai pas pus pogut pensar a quicòm mai ».
(suite…)