Mots-claus : manifestacion

Los cans de punk gahats per la polícia de Rennes qu’arrefusan de parlar en Francés aus jutges

11 novembre 2014

Can a punk

Jutjats 24ò arron la manifestacion en aumenatge a Remi Fraisse assassinat, los 3 cans de punks arrestats per violéncias qu’an hèit valer lo lor dret de s’exprimir dens la loa lenga mairau: lo « Waf-Brezhoneg ».

Tequilawaf, Tanguyrex e Crepshuquet’, dus cans e ua canha plan coneishuts dens lo miei punk de Bretanha, ne s’estancan pas mei de lairar dens los correders deu Tribunau coreccionau de Rennes. Que horran a l’injustícia e que condemnan las violéncias policièras mentre que la manifestacion se passava plan.
(suite…)

Lo conse de Montpelhièr enebís tota manifestacion dins la vila

1 août 2014

Manifestacion a Montpelhièr

Après l’exemple de l’interdiccion de las manifestacions pro-palestinianas a París, lo conse de Montpelhièr a decidit d’interdire tota manifestacion dins sa vila, per la securitat dels manifestants.

« Sabèm qu’a Montpelhièr, mai qu’endacòm mai, i a de riscas a manifestar. Amb la polícia que carga a cada còp, es tròp dangeirós pels manifestants de s’exprimir dins la carrièra. Per lor securitat, avèm doncas decidit d’enebir tota manifestacion », çò explica lo conse.
(suite…)

« Anem Òc », cinquena sason

3 mai 2014

Anem Òc

La cinquena sason de « Anem Òc », lo fulheton que conta l’organizacion de manifestacions per la lenga occitana, acaba d’èstre rodada. Manaset vos desvela en exclusivitat las peripecias de la novèla edicion.

Totes los occitans an pas mancat un sol episòdi de la sason 4 de « Anem Òc », qu’aviá vist la partença de la KELFO e del Febrilitge de la coordinacion centrala per menar una batèsta sens pietat en favor de manifestacions multiplas. Après una guèrra acarnida, la coalicion per un luòc unic aviá ganhat la guèrra e la manifestacion s’èra debanada sens quasi pas cap d’efusion de sang.
(suite…)

« La lenga tà tots » que crida la soa colèra

3 avril 2014

Manifestacion a Tolosa

Dimenge passat, ua manifestacion deu movement « La lenga tà tots » qu’amassè milèrs de personas hens las carrèras de Tolosa. Que protestèn contra la l’eleccion de candidats « Bastir » a las municipaus e contra la Teoria deu bilingüisme.

« L’arribada hens las municipalitats de candidats qui sostienen la Teoria deu bilingüisme qu’ei ua miaça tà la democracia », digó lo pòrtavotz de « La lenga tà tots » a Manaset. « Que demandam que la lei suu maridatge enter francofònes e occitanofònes e sia abrogada de tira », ajustè.
(suite…)