Mots-claus : musica

Eric Fraj interdit d’utilizar lo nom de scèna « Eric Fraj »

17 novembre 2014

Eric Fraj

Après lo Duo Brotto-Lopez, es Eric Fraj que deu cambiar son nom de scèna en causa d’un cambiament de productor.

Lo CAMOM es un ostal de produccion qu’aculhís grops variats coma S̀omi de Granadas, Celui qui Marche, Las Simples Cosas o encara Du vent dans la peau. Es mai que mai conegut per far virar Le Bal Brotto-Lopez, ancianament conegut jol nom Duo Brotto-Lopez.
(suite…)

Bleu blanc blond

21 octobre 2014

Marcel A.

Avèm recebut un tèxte del jove Marcel A. de Borce (Pirenèas Atlanticas). Aquel tèxte se ditz : « Bleu blanc blond ».

Mon car Marcèl, nos mandas un tèxte en francés que sa simplicitat nos daissa muts. Se vei que practicas pas encara plan la lenga. Repeticions, rimas aproximativas (yeux – deux per exemple). Nos dises que siás bearnés. Perqué pas cantar de cançons tradicionalas dins ta lenga ? O alara los autors grands de la literatura gascona coma  Alexis Peyret ou Simin Palay ? (suite…)

Lo grop La Mal Coiffée obligat de jostitolar sa cançon « l’ora » per poder passar a France Inter

17 octobre 2014

La Mal Coiffée

Es encara una accion de La Libre pensée qu’es a l’origina d’aquesta decision, condicion per poder cantar en occitan en prime time.

A la seguida d’una reclamacion al CSA de la part d’un membre de « La Libre Pensée », lo grop La Mal Coiffée a degut faire jostitolar sa cançon « l’ora » per la poder cantar en dirècte. D’efieit, lo grop polifonic èra convidat lo 8 d’octobre a l’emission A live de France Inter. Al nom de l’egalitat republicana, Paul Trabuc, liure pensaire, demandèt al CSA de daissar pas passar un títol en occitan a una ora d’escota bèla sus la ràdio publica.
(suite…)

Lo concèpte novèl de Robin Cartman

8 octobre 2014

Rassegurats

Robin Cartman sortís pel tresen còp un CD un títol, concèpte qu’es vengut ara son especialitat.

Manaset a pogut rescontrar en exclusivitat l’artista multifacetas Robin Cartman. Èra de passatge a l’aeroport de Perpinhan abans de s’envolar per la Bielorussia. Coma sas paraulas son raras, vos farem pas l’entrevista costumièra mas descobriretz dins las linhas que seguisson los secrets de sas produccions.
(suite…)

La ronde des jurons

29 septembre 2014

Georges B.

Gerorges B. de Seta (Erau) nos manda sa cançon « La ronde des jurons ».

Mon car Jòrdi, ta cançon es interessanta. Lo concèpte n’es original, l’escritura agradiva e las rimas plan mestrejadas. Se vei qu’as fòrça legit, mas tas referéncias demòran passeistas. Amai, siás de Sèta, e ne cal profietar. Legissèm dins ton tèxte : « Tous les cristis, les ventres saint-gris, Les par ma barbe et les noms d’une pipe, Ainsi, pardi, que les sapristis Et les sacristis. » (suite…)

Lo respondeire de la comuna de Besièrs piratat

15 septembre 2014

Telefòne

La cançon d’espèra del respondeire telefonic de la comuna, « Douce France » de Charles Trenet es estada remplaçada per la version de Rachi Taha e Carte de Séjour de la meteissa cançon. Los servicis an mes dos jorns per se’n trachar. Lo copable es pas conegut a l’ora d’ara.

Per faire pacientar sos interlocutors telefonics, lo conse de Besièrs decidiguèt fa una setmana de faire ausir sus son respondeire la cançon coneguda de Charles Trenet « Douce France », la considerant coma pròcha de sas idèas. Malastrosament per el, qualqu’un capitèt de remplaçar la version originala per la de Rachid Taha, plan mens confòrma a l’imatge del FN.
(suite…)