A la seguida de l’unificacion de Lengadoc-Rosselhon e de Miègjorn-Pirenèas, lo jornal La Despacha lança un sondatge per causir lo renèc novèl de la region.
D’efièit, es necite, dins una amira d’unificacion, de renegar d’una sola votz dins la region tota. Los lectors se devon pronónciar en favor del renèc que convendriá.
(suite…)
L’escrivan sarladés plan conegut presentarà son libre novèl divendres 25 a 11 oras a l’Estivada. Es un libre escrit a la seguida de collectatges efectuats en Aquitània, Peitau-Charentas e Lemosin.
Lo darrièr libre de Micheu Chapduèlh se deviá sonar a l’origina « Mites e Legendas peiregordins ». Mas, amb la reforma novèla de las regions, e per poder contunhar de tocar d’ajudas del conselh regional, li an demandat d’alargar sas recèrcas a la region novèla tota. (suite…)
Amb la novèla mapa de las Regions francesas, presentada per l’Elysée lo diluns 2 de mai, se pausa la question dels lògos de las novèlas collectivitats.
Es la granda question en Lengadòc-Rosselhon (LR) e en Miègjorn-Pirenèus (MP) : après la fusion de las doas regions, qual serà lo lògo que serà gardat ? Lo dels sèt solelhs, adoptat pel LR en 2004, o la crotz occitana del MP ? Manaset a rencontrat d’estatjants de las doas regions per reculhir lor vejaire.
(suite…)
Auriá poscut èstre un trabalh manual coma tantes son perpausats dins las revistas pels pichons, mas lo kit de descopatge regional destacable en paginas centralas del darrièr Papagai lancèt un debat acarnassit. En causa : l’intervencion a l’esconduda del govèrnament francés…
Se presenta jos la forma d’una mapa de França, pro simpla, acompanhada de qualquas consinhas amassadas jol títol « Farga tas pròpias regions ! ». Convida de fach los pichons a descopar (amb l’ajuda d’un adulte, segur) França segon de regions qu’auràn dessenhadas aperabans, puèi eventualament a las coloriar e a las mandar a la redaccion de la revista.
(suite…)
