Mots-claus : santat

Alergèns potencials : son presents de pertot

16 avril 2015

Mocatge

Fàcia a aquel constat alarmant, Sanofi, en partenariat amb Manaset, lança una campanha bèla de prevencion de las allergias.

Un estudi recent l’a provat : unes allergèns que consumam dins nòstra alimentacion quotidiana se pòdon retrobar dins las divèrsas secrecions umanas. En particulièr, los cercaires an detectat mai de 50 productes classats allergèns per l’OMS dins l’espèrma de qualques individus seguits, e de traças mai raras mas plan presentas dins la màger part dels escapolons testats.
(suite…)

Lo burn out reconegut coma malautiá professionala : implicacions dins lo mitan occitan

11 décembre 2014

Burn-out

Tanlèu la novèla coneguda, lo sindicat GCT dels trabalhaires occitan s’es inquietat de saber cossí aquò se podiá aplicar al nòstre mitan, e a interrogat las estructuras concernidas.

Lo Congrés Permanent de la Lenga Occitana a sul pic mes l’afar entre las mans dels lingüistes, que se pòt pas reconéisser una malautiá que se trapa pas dins lo diccionari. Aquestes van metre lèu en plaça una comission que rendrà un rapòrt corent 2016.
(suite…)

Qu’an arretrobat lo SRAS perdut per l’Institut Pasteur

28 mai 2014

Institut Pasteur

La polícia qu’a arretrobat ger los 2349 tubes de SRAS perduts en abriu per l’Institut Pasteur. Qu’èran esconuts dens la cava d’un bearnista integrista.

Qu’ei lo solaç a l’Institut Pasteur. Los tubes qui contienen lo virus deu SRAS, e qui avèvan perduts en abriu, que son enfin tornats tà casa. Après mes d’enquèsta, que son estats arretrobats en çò d’un estatjant de Siròs.
(suite…)

Los EGM, la solucion a las epidemias

29 avril 2014

EGM

Fa de milierats d’annadas que las epidèmias, de la pèsta a Ebola en passant per la gripa A, pausan problèma a l’umanitat. Mas de cercaires de l’institut Sonmanta an trobat una solucion miracla a aquel flagèl.

« Aquela descobèrta cambiarà la fàcia de l’umanitat », çò declarèt Ivon Ranchièr, director de l’Institut Sonmanta, a l’escasença d’una conferéncia de premsa. « Los Enfants Geneticament Modificats (EGM) permetràn de se desbarrassar a jamai de las malautiás ».
(suite…)