Mots-claus : sciéncia

Préner còps de martèth suu cap que haré víver mei vielh

5 avril 2014

Martèth

Segon ua equipa de cercaires de l’UPPA (Universitat de Pau e deus país de l’Ador), estar expausat d’un biaish regular a còps suu cap que perlongaré la durada de vita.

La publicacion deu darrèr estudi deu laboratòri « Palhassa » que’n susprenó mei d’un. En efèit, aqueth que demostrè que los còps suu cap e pòden har vàder mei vielh. « Qu’ei ua conclusion susprenenta mes logica », ditz l’estudi.
(suite…)

Lo motor d’explosion al vin enfin al punt

23 mars 2014

Motor

L’equipa de Manaset a pogut en exclusivitat ensajar la primièra veitura equipada d’un motor novèl fonccionant al vin. Los jornalistas foguèron estrambordats per aquela descobèrta. Mas caldrà pacientar encara una annada per que lo modèl siá prepausat al public grand.

Lo modèl ensajat es una C4 Picapol fonccionant al vin blanc. La poténcia es correcta, las acceleracions francas e lo freinatge securizant. La tenguda de rota en viratge es remirabla, la en linha dreita a tendéncia a se degradar. Es un veïcul que se mena amb plaser, al punt qu’al cap d’unes quilomètres, tot lo mond cantavan. Mas los tecnicians se demandan s’aquò vendriá pas d’una pèrda dins lo circuït d’escapament qu’emplenariá l’abitacle.
(suite…)