Mots-claus : sexe

Una adaptacion a l’ecran de « Fotrairòl » de Sèrgi Viaule

5 octobre 2015

Fotrairòl

Tanlèu lo recuèlh de novèlas paregut, Piget Pr0n a decidit de ne faire l’adaptacion televisuala.

Realizator, productor, fondador de Piget Pr0n, Anick Vedèl es un personatge exigent, perseverant, e que porgís un trabalh de qualitat. En collaboracion amb Sèrgi Viaule, ven de lançar lo filmatge de l’adaptacion tele de son darrièr recuèlh de novèlas eroticas en occitan : « Fotrairòl ». Aquò ven a la seguida de la darrièra realizacion de Piget Pr0n, « Còp de Quica », difusada sus França 3, que conta en vint episòdis la fornicacion en Occitania entre los sègles IXen e XIIIen.
(suite…)

Testaira de sex toys en cò de Macarel

30 novembre 2014

Macarel vòl completar sa gama de productes amb tot una selecction de joguets sexuals. Recruta una testaira a mièg temps. Diplòme : cap. Qualitats : dobèrtura d’esperit, adaptacion, sens del contacte. Una partida del trabalh se pòt faire a domicili. L’usatge de la lenga es facultatiu. Salari : convencion collectiva de la bagassariá.

Lo D’OC Show qui vien qu’averà per tematica la sexualitat

14 mai 2014

D'OC show

Si lo lòc e la data de l’enregistrament deu D’OC Show qui vien e son, com a l’acostumat, tienuts tòp secrets per OC Tele, la cadena de television occitana qu’a acceptat de’n desvelar la tematica a Manaset : la sexualitat deus occitans.

« Après lo viatge e la santat, la tematica de la sexualitat qu’èra la seguida logica », çò expliquèt Valentin Stéphane, cap-realizator de OC Tele. « Qu’ei un subjècte transgeneracionau qui pertòca tan los mainats deus collègis Calandreta o publics com los vielhs hens los ostaus de retirada ».
(suite…)

L’Ostal d’Occitània de Tolosa dobrirà « La Puta d’Òc »

23 avril 2014

La Puta d'Òc

En temps de crisi, es conegut, cal diversificar son activitat. Divergéncia Occitana, l’associacion dissociativa d’associacions occitanas en carga de l’Ostal d’Occitània a Tolosa, z’a plan comprés, e perpausarà tre lo mes que ven una activitat novèla e puslèu inedicha dins lo luòc emblematic de la Vila Ròsa, qu’aurà jamai tant meritat son chafre.

Es un fach istoric que Malcosinat foguèt altres còps una carrièra frequentada per las prostituidas e lors praticas. D’aquò gardèt una marrida reputacion (e son nom), una sornura generala, e una flaira fòrta lo ser vengut. D’aqueste punt de vista l’iniciativa de Divergéncia Occitana s’inscriu en plen dins la socializacion de la lenga e la recuperacion del patrimòni istoric de Tolosa per sos estatjants. E l’eficacitat de l’associacion quora s’agís de recuperacion es pas pus a demostrar.
(suite…)

Escandale autorn de la Miss’Becut

16 avril 2014

Miss'Becut

Los auditors de Good Morning Occitània qu’estón trucats quan aprenón que Miss’Becut, la presentatritz meteo de l’emission, avè pausat per de fòtos de charme.

« Qu’ei ua vergonha, n’escotarei pas mei aquera emission », que digó Pèir d’Escanacraba, qui segueish cada dia Good Morning Occitània sus Ràdio País. En efèit, que vienè d’apréner, coms mantuns auditors, lo passat escandalós de Miss’Becut.
(suite…)

Per una lenga que va de pertot !

8 avril 2014

Film pornò

Aprèp d’aver far lo bonur dels colleccionaires de camisòts e de bonetas, l’uninacionala Racamèl Corp. dobrís una novèla franquesa, que serà especializada dins la produccion e la distribucion de films pornografics en occitan.

« L’idèia nos en vengudas en charrant amb de grands intellectuals del mitan, que nos fasián avisar a prepaus que la metjana d’edad totjorn que mai auta dels locutors d’occitan èra invèrsa a l’activitat sexuala generala de l’ensemble dels militants (malgrat los esfòrces meritós de qualques uns). Sem aquí per o tornar dinamisar e per far tornar la lenga dins los lièits! » nos ditz Dinars Encornet, lo President-Director-General e Estilista en cargas de totas las colleccions de Racamèl Corp.
(suite…)